2006年8月11日星期五

Well ~

最近北上皆是與老闆同行,有中港車接送,今天單身赴會,須自行往深圳轉乘公司車回廠。

Husband 送我到大埔火車站,乘火車到羅湖只須十餘分鐘,人不太多,使用自助過關很方便,十餘分鐘後已安坐關口附近的茶餐廳,邊吃早餐邊等司機的電話。


司機準時抵達,回廠車程約一小時。

在廠內渡過了漫無目的的一天,五時起程回深圳。

到了深圳,別過同行人士,獨個兒往商業城相熟的茶莊買茶葉,滿載而歸。

乘火車返抵太和,順道往超市買水果,也買了菜芯苗和急涷點心作晚餐。


又到週末,最近日子過得真快!

12 則留言:

  1. 哈哈... 終於有d'唔香'的晚餐喇!

    我會買水餃雲吞返屋企淥黎食, 都唔食即食點心!

    回覆刪除
  2. 我都係咁話!即食點心?唔洗預我!我寧願食麵包!

    回覆刪除
  3. 早前有一排愛上水餃,買左大堆番黎,結果食到厭 ~

    尋晚回港過關後見到燒賣魚蛋o既小食檔,鬼死咁香,但我雙手拎晒野(公文袋 + 茶葉),無可能幫襯,唯有退而求其次啦!如果我 husband o係度一定唔可能整呢 d o野食 ~

    原本我係諗住番屋企食碗麵咋 ~

    回覆刪除
  4. 唔... 我會叫小販俾多個袋我, 裝好d燒賣同魚旦! ^_^

    回覆刪除
  5. 哈哈 ~ 下個禮拜去大埔廣場食,補番數!

    回覆刪除
  6. 我的雪櫃都沒有急凍點心了,但水餃雲吞就大把!

    茶餐廳的早餐都很吸引啊!

    回覆刪除
  7. 講開大埔廣場,我記得有一間潮州粉麵店就在廣場地下,都幾好食,現在還有嗎?

    回覆刪除
  8. 大頭仔:大陸 d 雞蛋好食,而且製作比香港的有 heart,不過近關口的食店價位分分鐘貴過香港,呢份早餐賣 RMB23。我通常唔會存食物o係雪櫃,因為多數會唔記得o左,攪到過晒期要掉,太浪費!

    劉鄧:你講o既應該係「沙瀧」,仲o係度,lunch 間中會幫襯,唔鍾意店裡太多人食煙,通常會坐出面,所以夏天較少去。

    回覆刪除
  9. 係呀!就是這間沙瀧!我在大埔富善邨工作過七年,那時,間唔中都會在這店食碗四寶河做午餐。除這店外,我還很掛念南風閣的咖喱,瑞華的乳鴿和咖喱屋的咖喱雜菜角。想起也覺得好好味。

    回覆刪除
  10. 哈 ~ 南風閣同瑞華都執左喇!咖哩屋係咪即係大埔墟 Cosmo?公司初初搬入o黎時同事帶過去一次,已經無咩印象。後來多是幫襯大埔廣場o既咖哩皇,因有個同事好鍾意食(東江雞 as well),佢走左之後我地都好少去咯。

    回覆刪除
  11. 好似是這間Cosmo,是在廣福道上嗎?他們的咖喱牛腩和羊腩是一絕!以前也時常賣蟮稿,很多雜誌介紹,非常風光!現在,嘆~~所以我連名字也記不起。
    我也知道南風閣同瑞華都結業了,真可惜!它們都好像捱不過九七金融風暴。
    好掛念瑞華的白鴿鬆生菜包啊!

    回覆刪除
  12. Cosmo 是在廣福道,捱得咁耐一定幾有水準啩!

    回覆刪除

注意:只有此網誌的成員可以留言。