2006年10月10日星期二

野生菌

午飯時間,漫無目的地走到吉之島超級市場,發現這魚沼產阿倉山野生菌($8.5/包),覺得很有趣,便買了兩包回家燴節瓜。

魚沼產阿倉山野生菌(Taken by Samsung SGH-D908)

野生菌燴節瓜(Taken by Lumix FX-9)

此菌煮久了仍很爽滑,和節瓜的清甜味很配合,很好吃。

給傻大頭:

黃花魚肉蒸水蛋(Taken by Lumix FX-9)

52 則留言:

  1. 意粉今天如素?
    菰菌類拿來放湯最鮮甜。

    回覆刪除
  2. 很挺身的樣子
    但煮出來只得那麼少?
    隔離碟餸是什麼呢?

    回覆刪除
  3. 順帶一問︰網友 wordy 的家是否裝修中?

    回覆刪除
  4. 劉鄧:今天不是茹素,仲有一碟餸 ~

    大頭:upload 埋隔離個碟俾你喇。

    wordy 那邊唔知做乜呢 ~

    回覆刪除
  5. 大頭:煮出來唔算少,扇晒落下面,俾節瓜遮住啫,兩個人夠食嫁。

    回覆刪除
  6. 碟蒸蛋好有水準喎!好滑!黃花魚肉是預先弄熟才和蛋一起蒸吖?還是起肉後連蛋一起蒸熟呢?

    回覆刪除
  7. 係啦,你地點會得一碟餸!
    仲有煲湯呢?
    魚肉不會出水嗎?

    回覆刪除
  8. 各位晚安:

    也不知道剛才發生什麼問題,重新發佈了 blog 一次,現在該沒事了。

    蒸蛋不放魚,我才會吃 :P

    回覆刪除
  9. 黃花魚肉蒸水蛋! 好肚餓呀... 今晚要上課, 回家只吃了灼菜!

    回覆刪除
  10. 劉鄧:先蒸魚至剛熟,然後册肉,待水蛋半凝固再把魚肉連䓤花加入,今晚碟蛋真係蒸得超水準。

    大頭:我地好多時都係一樣餸咋,頂多兩樣,未必會有湯,我煮野好咪麼嫁,整得多野天光都無得食。魚肉係唔會出水嫁喎,蝦先會,莫非你用左未解凍既急凍魚?

    wordy:你唔食魚?魚生你又食?

    小彭:少食一餐當清腸胃 law,聽日你自然會去擦 d 好野啦。^^

    回覆刪除
  11. 劉鄧:係「魚肉連蔥花」。

    回覆刪除
  12. 我唔食蒸食架!

    刺身、煎魚、炸魚都吃。小時候吃過放涼了的蒸鯇魚,從此便戒絕蒸魚。去吃喜酒不吃魚,留肚吃下一道炸子雞。

    回覆刪除
  13. 蒸魚會出水架應該,去飲的蒸魚都有大把水。

    回覆刪除
  14. 好多野都出水,例如你個身體,同好濃味添。

    舊年其中一次公幹,在上海東方廣場某酒樓午飯,主人家很熱情,不停給我夾多寶魚,不吃又不行,硬著頭皮一小口魚一口啤酒。要命!

    回覆刪除
  15. 有些酒樓唔蒸魚o架!佢地喺用大滾水浸熟條魚o架!

    回覆刪除
  16. 你想點……?又有什麼鬼點子……?

    回覆刪除
  17. wordy:我好鍾意食蒸魚,只要魚新鮮,一定好食,我地潮州人仲要專登攤凍食添。記住「好食既蒸魚真好好食」呀。我都唔鍾意人地夾野過我,好似迫我食咁。

    大頭:去飲的蒸魚點會有大把水嫁?你一定無做人情,所以主人家唔俾好野你食,而且蒸魚後碟上 d 係倒汗水,唔係條魚出水,通常一定會倒左 d 水再贊滾油豉油先至香喎。你灌醉佢有咩企圖?嘿嘿 ~

    劉鄧:有 d 酒樓食肆乜鬼野都用水烚到差唔多熟再落鑊係咁意炒兩野就算數。

    回覆刪除
  18. supageti
    有部份酒樓未必一定會蒸魚,而是用水浸熟條魚當蒸魚,尤其擺酒!可能是佢個蒸櫃一次過蒸唔到咁多條魚,或者條魚太大條,個師父無把握蒸得好!

    回覆刪除
  19. 意粉:
    你係潮州人,咁有機會你介紹邊度食潮州野好。又細說童年了:有次在家附近的熟食中心吃潮式打冷,結果全家上吐下瀉了三天,此後就對打冷有點戒心。當然,我相信那是個別事件。其實那尾多寶魚也頗滑,我趁熱「三爬兩撥」搞定了,哪知對方以為我愛吃,再來一輪……那頓飯吃得飽是因為喝了不少啤酒。
    我甚少喝醉,但醉了只有兩個反應:想睡或說英語。

    阿明:
    你好似好熟架步播 :)

    回覆刪除
  20. 灌醉佢有咩企圖?唔知呀,我諗我點都有 d 著數掛!

    我只知炒菜多是先用水“卓”過,沒想過蒸魚也要這樣。

    回覆刪除
  21. 阿明:去飲都預o左唔會食到咩好o野,大量製作好難對佢有要求。

    wordy:潮州人駛咩出街食潮州o野唧 ~ 哈哈。食潮州野梗係九龍城或者西環呢 d 潮區啦,不過出街食生冷o野真係要好小心。

    我飲醉淨係會瞓,唔會講o野。

    回覆刪除
  22. 大頭,我會灼過先炒o既只有西蘭花、西芹同苦瓜,其他都唔會。

    回覆刪除
  23. 著數?到時要你送佢番屋企你就知味道 ...

    回覆刪除
  24. 原來你都鍾意煮番幾味喎!!!

    回覆刪除
  25. 著數?咪我銀包果一百幾十蚊。送我返屋企?你冇聽書嘞,大頭有次話當我蝸牛踢到坑渠呀,嗚嗚嗚……

    回覆刪除
  26. 弊... 俾意粉捉到路tim... 今日lunch真係要食好小小先得!

    我好鐘意食魚架, 點整都鐘意! 黃花蒸旦, 不得了啦!

    回覆刪除
  27. 貝拉:點都無你咁拿手啦。

    wordy:我都好想見識下大頭點樣一腳踢你落坑渠喎,呵呵呵 ~

    小彭:我知你一定唔會刻薄自己o既。^^

    回覆刪除
  28. Me too ! 一於找個機會灌醉Wordy!

    回覆刪除
  29. 一百幾十蚊我就無興趣嘞,除左想睇大頭表演天殘腳,仲想聽下 wordy 點樣說英語鬧大頭 ~ 哈哈 ~

    回覆刪除
  30. 不必把我灌醉,我也可以用英文鬧大頭呀。

    天殘腳唔駛踢架,係用臭氣整死敵人。我相信大頭早已練成。

    回覆刪除
  31. 唔係嫁,借醉行凶,一定會好好笑 ~

    回覆刪除
  32. 咁隻唔踢得嘅天殘腳味會殃及池魚!都喺帶定防毒面罩穏陣啲!

    回覆刪除
  33. 邊到開show呀, 請通知聲, 齋睇係咪免費架?! ^^

    如果晌街遇上兩個大男人, 咬文嚼字, 但又好似小學生般吵鬧... 好大可能就係邊個同邊個!

    回覆刪除
  34. 小彭:
    那你多半失望而回了。真實版的大頭仔不及文字版的精彩,當然也不賴。晚生害羞,不慣公開表演 :)

    回覆刪除
  35. 我做証!真實版的大頭仔比較「道貌岸然」!

    回覆刪除
  36. 老實說,我的文字版其實也不精彩。我是一個大悶蛋哩。至於跟人吵架,我也實輸硬。

    劉鄧︰你係讚定彈?

    意粉︰今晚也在吉 x 島買了你的菇,打算明晚吃。

    回覆刪除
  37. 大頭做咩無厘神氣呀?

    你打算點樣煮呀?唔駛灼嫁喎 ~ ^^

    回覆刪除
  38. 會煮你,煮意粉呀,加些蕃茄和茄子咁囉!其實我今晚買只是 $7.5 。我好無神氣咩?

    劉鄧︰咁彈啦,今日真的無乜心機。

    回覆刪除
  39. 我是讚你的!情緒低落看甚麼也是灰色!要記著鏡子有兩面的故事啊!

    回覆刪除
  40. 能把「情緒低落」這幾個字放到大頭仔身上不算多,不過我覺得他是喜歡把氣憋在心裡的人,但是這樣的情況不大經常出現的吧?

    回覆刪除
  41. 大頭是個精明煮飯公,吉之島超市是逢星期三特價的啊。

    情緒問題人人皆有,只要懂得自我治療便可。^^

    大頭:今天去吃個美味的 lunch 心情便會轉好。

    回覆刪除
  42. 午餐是橙色的南瓜沙拉和南瓜湯
    橙色是好的顏色。

    回覆刪除
  43. 今天的午餐是一隻蘋果,正感到胃裡翻起了奇異的變化。

    回覆刪除
  44. 簡單的午飯加小睡片刻實在令人快樂
    係喎,你這星期也沒有午飯吃啊!

    回覆刪除
  45. 吃得這麼少,兩位的思路應該很清晰吧 ~ ^^

    回覆刪除
  46. 清晰到能穿梭前世今生再自通任督二脈。

    對,這星期午飯大多沒著落。下星期三跟老闆「撐檯腳」,星期六日會番工,在公司附近吃,晚上才去飯局。

    回覆刪除
  47. 吃得太少我會頭暈眼花,無法集中精神工作!
    真佩服一個蘋果當一餐的人!既簡單又方便經濟。

    回覆刪除
  48. 偶然食一餐清清腸胃都唔錯。

    回覆刪除
  49. 我公司周圍都是吃的
    即使午飯吃得不多也不用擔心

    wordy 我下星期可以找你吃午飯啊,或者。

    回覆刪除
  50. 也好,但要看午飯時間是否配合。

    回覆刪除

注意:只有此網誌的成員可以留言。