2006年11月13日星期一

吃在尖沙咀

上週五到尖沙咀告別天星碼頭,順道吃了好些東西。

午餐:德發牛丸

入口就在裕華側邊的小公園(記號:垃圾桶特別多)

數十年不變的風味

牛丸菜($15)

牛丸米($15)

小食:Beard Papa 椰子忌廉脆筒


叫人想起六花亭的 Sakusaku Pie

晚飯:大快活番茄火鍋

羊肉、豚肉、牛肉(每份 $39)

除了吃,還買了堆 DVD 回家。

30 則留言:

  1. 大快活番茄火鍋似乎好吸引
    那要去試一試~~

    那個椰子忌廉脆筒好似好甜溜喎!

    回覆刪除
  2. Ellen:豚肉最好吃,一個火鍋已食都好飽!

    脆筒唔甜,好好味,而且好細舊,兩啖已食完。

    回覆刪除
  3. 羊肉、豚肉、牛肉,即是三個火鍋,是嗎?

    回覆刪除
  4. 劉鄧:這晚和朋友試勻了三款火鍋。

    回覆刪除
  5. 搞到我都好想試吓添!
    豚肉火鍋,記住先!

    回覆刪除
  6. 原來劉鄧仲未試,咁要快手!

    回覆刪除
  7. 終於買左戰國自衛隊(1979)呀?記得睇藥師丸博子對龍雷太的一幕,有得睇佢地後生係點樣,仲係好好笑的一幕,一個場面滿足兩個願望,抵呀!
    仲有就係角川春樹扮的真田幸村,佢死時特別過人,事關佢係老細,哈哈!

    回覆刪除
  8. 藥師丸博子原來 1979 年已經出道架啦

    意粉,你好好胃口喎! ^ ^

    回覆刪除
  9. 大雄:仲未睇,好想知點解會係 III 級。

    大頭:我讀書o個陣藥師丸已經出道喇 ~

    回覆刪除
  10. 因為有祼露鏡頭,不過我又覺得係果個故事同埋時代背境上又好合理架喎!

    回覆刪除
  11. 未搬office之前成日都去食o個間牛丸, 好味! 不過而家返工返港島區, 冇乜機會會去食喇...

    回覆刪除
  12. 德發的牛味不錯,找天一個人去再吃。

    其實有一段時間很怕去大排檔,現在都沒關係了。

    回覆刪除
  13. wordy + 大排檔,似乎有點格格不入 ~

    回覆刪除
  14. 大雄:你講得咁吸引,今晚番去睇呢套好過睇肥田。

    泰利:港島又有港島o既好o野食啫!^o^

    回覆刪除
  15. 睇我個樣都知我唔係高貴貨喇!

    一個人吃,就挑些簡單的,或美味的。

    兩個人(或更多人)吃,去大家都喜歡的就是,不一定要上館子,一個番茄火鍋也可以吃得滋味又感動。

    回覆刪除
  16. 有時間真要再去德發吃吃。

    大快活真的okay?多年前給它的品質嚇壞,近十年也沒有去吃過了。

    回覆刪除
  17. 藥師丸已經出道咁長時間喇 ~

    在1公升眼淚見到佢

    又唔係咁大年紀喎~

    以前D日本明星13,14歲係未出道啦?

    保養咁好嘅~~

    回覆刪除
  18. wordy 梗係高貴貨啦!

    Jason:以咁既價錢換到既質同量,的確超值。

    Ellen:藥師丸 14 歲(1978 年)出道,今年 42 歲啫。

    回覆刪除
  19. 咪引我笑喇,意粉,都就黎笑唔出囉,呵呵。

    高貴?竟突然想起了 Notting Hill 中女角站在書店跟男角說的那番話。

    回覆刪除
  20. wordy 點解就黎笑唔出呀?未去到日本已經知味道拿?

    無睇過 Notting Hill,不喜歡兩位主角,尤其是 Hugh Grant。

    回覆刪除
  21. Notting Hill係好英式的小品劇囉~~

    回覆刪除
  22. 呢套我反而有睇到喎!劇情毫不吸引!唔明點解女主角忽然會看上男主角?完全無交代!

    回覆刪除
  23. 我也不明白,但有時候看上一個人是沒有理由的,也許是一種感動,或一陣悸動。至於情苗能否滋長,反而是後來彼此相處之下才能慢慢體現的。

    意粉:
    女角(大明星)對男角(書店老闆)說的那段對白大意是:我只是個渴望被愛的平凡人罷了。

    我成日都笑唔出架喇,冇乜出奇。知味道?我都未驚過。

    回覆刪除
  24. Notting Hill查實係要睇配角spite架嘛!(唔知有無串錯名)
    哈哈!

    回覆刪除
  25. 大雄:岩岩睇完戰國自衛隊,打醒左 12 分精神留意你介紹既特別野,同埋好多熟口熟面演員既後生樣,確係幾有趣。依套戲幾血腥暴力,但故事比江口洋介個套合理。裸露鏡頭幾小兒科,反而屠殺血腥場面令我有噁心既感覺。

    回覆刪除
  26. 大雄:

    當然,不少英國片也是配角比較搶鏡。

    回覆刪除
  27. 我呢個港島人想問呢…TST裕華即是近邊? 如我由Uniqlo行過去"德發"遠唔遠?

    Beard Papa 的忌廉脆筒真的細了點, 那天我在sogo一見張海報就挑定銀包出來. 但一行埋counter前見到實物就縮沙了.

    你覺得大快活的番茄火鍋好味嗎?

    回覆刪除
  28. 小妹:這入口很易找,就在北京道 & 九龍公園徑交界,德發就在天橋底,我通常由海防道街市入,但如不識會就很難找。多謝小妹好介紹,大快活的番茄火鍋幾好味又超值,那天有談得來的朋友相伴,加分不少。

    回覆刪除
  29. 套戲都ok喇,係結果戇居居瓜哂果隻,但真係比起江口那齣好睇,殺得來都算合情理,古代嘛!兩齣DVD都係幾廿蚊,1979好睇d。
    不過有一樣野,真實場面就真係無緣見,見到都大吉利是,就係上一代的日本片流親血都係水柱咁標出黎,有無留意到?

    回覆刪除
  30. 今朝仲係作嘔作悶 ..... 哈哈 ~

    結果戇居居瓜哂果隻,最深印象係「非常突然」。

    回覆刪除

注意:只有此網誌的成員可以留言。