由即日起,本網誌將無限期停止更新,各位朋友的支持和鼓勵,意粉銘記在心,有緣再見。15 Jan 2013 16:30

2008年4月3日星期四

春雨綿綿

經過超過六小時的會議,相信我的臉色一定比天色還要灰。


之後和同事吃了頓豐富的晚飯,心情才好轉過來。


在吃晚飯的酒店外舉(手)機拍照,同事們馬上圍起來保護我,每當有人走近,他們便很緊張,生怕我的手機會被搶。


這晚深圳市往火車站的交通很擠塞,到處也堵車,送我的同事與眾位司機大哥溝通後,認為送我到地鐵站轉乘地鐵到羅湖口岸會更快。


不消十分鐘便到達羅湖口岸,到相熟茶行買了茶葉才回港。




家中斷茶已久,回家馬上沏一壺。





金黃剔透的茶湯,配上香甜的馬仔,足以令人忘掉春天的煩惱。


19 則留言:

  1. 馬仔有腰果,好特別喎!

    回覆刪除
  2. 「斷茶」?好嚴重啊 :)

    回覆刪除
  3. 老師:如果再鬆化一 d,就 perfect 喇 ~

    wordy:飲慣左既味道,無左周身唔聚財。

    回覆刪除
  4. 六個鐘?乜會呀咁冇陰公!
    你上面廠的同事真係好好啊!

    回覆刪除
  5. 坐足六個鐘?
    好辛苦啊!
    餐飯是午餐還是晚餐?
    講開茶,你上次送我的靜岡煎茶剛剛開了來飲,茶很香而且特別滑,很好喝,謝謝你!

    回覆刪除
  6. 大頭:係呀,國內 d 同事好好人架 ~

    劉鄧:無計,個會係 review 上年度同埋做今年度 budget,我想唔開都唔得,但估唔到要咁耐,連晏都無得食。餐飯係晚飯。靜岡茶好有名,不過,我都係比較鍾意中國茶。

    回覆刪除
  7. 我屋企D茶夠飲一年.
    你飯開咩嘢茶?
    馬仔,yummy,今日都買件嚟隊吓先

    回覆刪除
  8. 我飲開鐵觀音,但係香港買既,總係唔啱口味。咁你又飲咩茶呢?

    回覆刪除
  9. 我都想有斷茶危機呀,有得再買丫ma,但我家中的紅茶多到唔知幾時飲得完...

    我在深圳也抱著是財不可露眼的, 明知手機拍得沒DC好也不會帶小桃上去o架.

    我平時都是吃奇華腰果馬仔架, 都好好吃丫! 但意粉你知不知那家會更好味呢?

    回覆刪除
  10. 我飲綠茶/烏龍/lemongrass/鐵觀音都飲,不過有時為瞓唔著.
    我細個時識得冲功夫茶,而家無咗套"嫁撑"

    回覆刪除
  11. 小妹:我屋企同 office 都係獨沽一味飲鐵觀音,好快就飲晒,西茶出街先會飲。我自己一個人會緊張 d,但果日有成十個同事一齊,所以鬆懈左。馬仔通常都係食奇華既,前兩日係商場散檔買左 d 話元朗鮮製既,個樣好得,但 lunch 食得好飽,結果益左公司阿嬸。

    基斯汀:國內人通常係純品 d。

    鳴門:我飲咩都唔會瞓唔著,半夜起身都會呷兩啖茶。雖然我係潮州人,但自細屋企唔興沖功夫茶,鍾意沖一大壺,大大杯大啖大啖咁飲。

    回覆刪除
  12. 我都係潮州人,沏茶係我細個阿爺敎嘅,要用中指頂住個好滾嘅有蓋杯"line"落四個功夫杯仔度,好熱架

    回覆刪除
  13. 原來鳴門係嫁 ge 冷,不過我阿娘唔係潮州人,所以我屋企唔係好潮州 ~

    回覆刪除
  14. 我阿娘都唔係潮州人喎

    回覆刪除
  15. 唔係咁「喬」嘛?咁你係潮咩嫁?

    回覆刪除
  16. 呀!我看到你的玻璃杯子呀!
    對!透過杯子看著茶,多有趣!

    回覆刪除
  17. 小米:我最鍾意咁樣欣賞 d 茶。^^

    鳴門:我係「安」。

    回覆刪除

注意:只有此網誌的成員可以留言。