2009年4月25日星期六

明年情人節撞年初一

星島 4 月 25 日星期六 06:30】明年的公眾假期將有多個連放多天的「黃金周」出現!勞工處公布,明年農曆新年將可連放四天,而復活節其中一日與清明節重疊,結果翌日再補一日,即可連放五天,如果再請三日假,便可連放十日假,足以去一趟歐洲旅行,對打工仔來說是難得「好用」的假期。不過明年的情人節撞正農曆年初一,有花店擔心市民放假或外遊,影響鮮花銷情。

勞工處昨日公布明年的公眾假期,除了平時的星期日為法定假期,另有十七日公眾假期。由於明年不少節慶公眾假期,都與星期日重疊,所以要安排補假,變相令假期「延長」,市民計畫明年假期時,就變得更好用。以農新年為例,由於明年的農曆年初一適逢在星期日,所以將年初一前一天的農曆年三十,訂為增補公眾假期,可以連放四日。

復活節假期亦由四月二日星期五開始,到四月五日星期一,但由於四月五日亦是清明節,撞正復活節假期,所以翌日亦增訂為清明節翌日補假,市民就有一連五天短假期。如果公司屬五天工作,只要另請三日假期,就和與星期六和日串連起來,足足有十日假期,變成一個長假。而聖誕節亦有三天連續假期。


香港政府一站通:2010 年公眾假期


23 則留言:

  1. 咁搞法,出年係呢類長假期去旅行,張機票一定貴死~ 唉!!!

    回覆刪除
  2. 攞三日放十日係我追求嘅其中一個目標
    下年要同同事爭吓先~

    回覆刪除
  3. 劉鄧:我諗依兩年啲機票都好難會平。

    大頭:祝你心想事成啦。

    回覆刪除
  4. 對於我呢d返5日半,星期六放假仲要當一日假拎,真係把鬼...

    回覆刪除
  5. 情人節變成家庭節!哈哈!
    在情人節收桃花和花花朱古力好好笑呢

    回覆刪除
  6. 大雄,
    我以為得我老公公司係咁無良啫~
    原來你嗰間都係咁~
    真係天下烏鴉......

    回覆刪除
  7. 大雄:仲番緊5日半,即係 貴寶號好掂檔啦。^^

    歐歐:都好有特色吖 ~ 哈哈 ~ 仲有中國情人節補番嘛 ~~

    回覆刪除
  8. 劉鄧:係啦,我咁無良都唔會咁樣計,哈哈。

    回覆刪除
  9. 花墟明年初一可能會照常營業都唔定喎~~

    回覆刪除
  10. 律師行仲有好多都係5日半,而家行5日制的都係幾百間之中的幾十間而已。只係另外仲有d無公佈,但內裡返緊長短週的就不得而知囉。

    出面做花市的最多生意囉!兩個topic夾埋一齊做。

    回覆刪除
  11. 師妹:咁又未必,年卅已經忙到半夜,開埋年初一連命都無啦,哈哈 ~~~

    大雄:其實星期六個個都無心工作啦,啲老細睇唔開啫,我以前做果間英國工程師行,開頭係番長短週,老細係超級算死草,不過,佢計過番五日其實仲合符經濟原則,所以後來都改左,員工亦好願意每日番多廿分鐘。

    回覆刪除
  12. 話時話~~有好多紅假係星期六~~無乜著數!

    回覆刪除
  13. 老師:我今日都發現左依樣野,不過,大雄同劉鄧都應該幾高興!^^

    回覆刪除
  14. 老師成日掛住玩,哈哈 ~~~

    回覆刪除
  15. 意粉, 我想請教一下:日本人係咪唔興2個人 share 一個 set食o架? 我地想去食矢場豬扒飯先, 然後再食壽司啊...唔知得唔得呢?

    回覆刪除
  16. ayclui:我地試過晌札幌兩個人坐個室 share 一個蟹宴 + 一份蟹壽司(事前無問得唔得,但服務員又無咩特別反應);又試過晌大阪 share 一客夫婦善哉(一客有兩碗好好味既紅豆白玉,因為啱啱食完飯好飽,但又好恨食,不過事前有問過得唔得,老闆娘好好人話完全無問題,大家都開心!)。我覺得問題應該唔大,但如果唔想發生不愉快事件,可以問一問先入去,如果怕尷尬或者可以考慮下買外賣,不過梗係無咁好食啦。

    不過晌名古屋,我一定會揀矢場丼/鰻魚茶泡飯/味噌烏冬/手羽先,壽司周圍都有得食啦,嘻嘻 ~

    回覆刪除
  17. 唔該哂意粉...矢場丼, 鰻魚茶泡飯已經係指定動作啦...^ o ^

    我地嘅名古屋quota 得2個晚餐+2個午餐咋,所以要精選一下, 或者玩 share 囉...最衰我地唔識講日文...

    意粉, 味噌烏冬邊間好呢? 推介下丫...多謝意粉 ~

    回覆刪除
  18. 2個晚餐+2個午餐好多喇,我次次都係得一餐起兩餐止咋,其實我未晌名古屋食過味噌烏冬,因為一定要食矢場丼嘛,哈哈,不過上次晌名古屋駅發現左口碑好似唔錯既「山本屋総本家」,打算下次再去時食一次。

    仲有呀 ~ 天むす(炸蝦飯糰)好正嫁,一定要食呀 ~

    得閒睇下依樹,好多資料:

    http://www.ncvb.or.jp/contents/sightseeing/gourmet/

    回覆刪除
  19. 唔該哂意粉~ ^^
    睇怕要一日食足5餐先食得完...好一於少理, 食咗先算~

    回覆刪除
  20. 旅行就係咁啦 ~~ 哈哈 ~~~

    幾時出發呀?

    回覆刪除
  21. 呵呵,下星期四出發啦,會去名古屋, 妻籠, 長野, 立山黑部, 大町, 下呂等等...
    (唔記得次序, 有虾子餅做導遊, 我淨係負責玩...^^")
    有D緊張啊...今次去足十晚~

    回覆刪除
  22. 嘩!勁呀!原來虾子餅係高手!你就好啦!^^

    回覆刪除

注意:只有此網誌的成員可以留言。