2009年5月26日星期二

Lunch + Dinner @ Nahm

不經不覺看中醫已超過一個月,這幾天感到身體狀況已明顯好轉,心情也輕鬆了很多。這天中午出城去見醫師,完事已是四時,由於沒有吃午餐,肚子不斷提出抗議,乘地下鐵返抵圓方便馬上覓食,前兩天看到老師吃的 Phở,令人垂涎三尺,便決定試一試 Nahm

店裡環境不錯,座位也挺舒適。下午茶時間,顧客寥寥可數,但店員態度一點也不馬虎,令人感覺不錯。


牛肉湯河粉($68)
★★☆☆☆

蔗蝦($88)
★★★★☆

牛肉湯河粉份量頗大,但水準只是普通,牛肉和河粉都不夠滑,幸好湯底味道尚可,飢腸轆轆的我很快便把它幹掉;蔗蝦則屬意外驚喜,皮脆而不油膩,蝦膠裡混了少許馬蹄粒,令味道更鮮甜清爽,所以雖然已有點飽(吃了大半碗湯河才送到),也要把它全數吃完。在舒適清靜的環境下吃到美味的食物,感覺很幸福啊。

到顧客服務部換取免費泊車及消費蓋印時,服務員說我儲下的蓋印已足夠換取兩張禮劵,好高興啊。(其實我也很膚淺,哈哈!)


把車駛出停車場時,竟看到猛烈的斜陽,不期然有種「山中方七日,世上已千年」之感。回家路上間中有點微雨,但返抵家門時看到久違了的藍天白雲,感覺非常好啊!



是日食店:Nahm ★★★☆☆

是日消費:HK$172(連加一服務費)


11 則留言:

  1. 意粉, 因為有意外驚喜而開心點會膚淺呀? 家下咁嘅時勢梗係要做精明消費者啦 (不過個 lunch 又真係貴d...^^")

    d 魚仔健在嘛?

    回覆刪除
  2. 落雨都有咁藍嘅天真係好~

    回覆刪除
  3. 蔗蝦巧貴!等咁耐應該係你落單才做呢~

    我尋日都好膚淺,信用咭簽帳換稯劵已過換領期,我即管走到該店一試,店員又肯換俾我,好開心!

    回覆刪除
  4. ayclui:因為我地都係師奶仔囉,哈哈 ~~ 魚仔仲平安,公果條不知幾精靈,但係乸果條一路都唔肯食野,又唔多肯旭,好似就 ham 咁款 ~~

    基斯汀:所以超開心!

    師妹:落單果陣服務員已經講左話會耐啲,仲問我係咪可以先上碗湯河先,服務態度真係好好。阿婆年年都會俾兩隻糉(村裡面班婆仔一齊整既)我地應下節。

    回覆刪除
  5. 呢隻膚淺我經常做架喎!

    ps:elemnets間泰國野好得,下次試下

    回覆刪除
  6. 我都好鍾意食越南粉架~
    我記得好多年前係佐敦有間乜乜樂師同樂會會所,裏面有越南菜食架,佢啲蔗蝦同焗大頭蝦都好精彩,唔知間嘢仲係唔係樹呢!

    回覆刪除
  7. 鳴門:Elements 裡面似乎有好多好野食,可以儲好多印,哈哈 ~~~

    劉鄧:最好食既牛河係晌越南下龍灣街邊車仔檔,好味到吖 ~~~ 記得有排好興食越南野,山林道成街都係,牛河同蔗蝦我都好鍾意,有時都會去襯下熱鬧,不過出名果啲坐得唔舒服,又趕喉趕命交枱,又唔係好食得好交關,都好耐無食,你講果間聞名好耐不過未去過,早排上 openrice 睇過好似仲晌度。

    回覆刪除
  8. 能找到一間適合自己口味的食府,心情肯定可以加分!

    回覆刪除
  9. 薯 mug:可惜牛河唔合格,如果唔肚餓肯定食唔完,下次會試下其他菜色 ~~

    回覆刪除
  10. elements啱啱開時我去過呢間食晏, 印象係好貴又唔好食, 仲有野飛飛下...
    油券呀... 一d都唔膚淺!

    回覆刪除
  11. 小彭:每個人口味唔同,好唔好好難定論,Elements 裡面既食店大部份都唔平,但依間又唔算好貴,下午茶仲有啲幾十蚊既套餐。平時無入開 Esso,都有少少頭痕 ~~

    回覆刪除

注意:只有此網誌的成員可以留言。