2009年6月12日星期五

到底意難平

午飯時間到大埔中心,把車駛進停車場時與一名輕型客貨車司機發生衝突(事發是對方不對在先,但我承認其實我也有點不對),對方不單用車擋著我車的去路,更在座位上不住「兇神惡殺」的指罵我,我很氣憤但不屑與這人對罵,也基於擔心自身與汽車的安全,馬上致電大埔警署報警,在警察到場前經管理處職員(這位先生竟認識我,我卻想不起他是誰)調停,對方才肯讓步把車駛走,沒多久警察到來(報警後約 10 分鐘),我辦妥簡單手續才離開。

警方的效率算是不錯,但根據這事件得到的印象是只要你身體和車輛沒受損傷,其他事情他們是不理會、也沒興趣知道的。

原打算辦事後買個簡單午餐,現在必須吃點重量級的東西才可稍稍撫平心中的怒氣。

麥樂雞 $12.5、足三両 $16、Coke Zero $6

Um ~ 管理處職員先生究竟是誰呢?@_@ "



18 則留言:

  1. 最緊要係自身沒有受傷,其餘的當遇上小人罷了~~

    回覆刪除
  2. 其實佢想點呢, 唔通預你同佢嗌交咩!
    又其實好多人連自己犯錯都唔知架, 咩都懶落人到! 睇黎我都要食個足三兩先喇!

    回覆刪除
  3. 這類野蠻阿叔/哥仔真係見唔少
    激親自己就唔抵呀!

    回覆刪除
  4. 意粉息怒~
    嬲完就算啦!你嬲佢,佢又唔知嘅!而且,呢個都係閒人呢啫,犯不著教精佢啦。
    飲完罐可樂都應該順番條氣喇呵。‵

    回覆刪除
  5. 米鬼為呢d衰人勞氣啦~
    不過你又借d意嘞,食左足三両仲唔夠,仲食埋麥樂雞添!

    回覆刪除
  6. 薯 mug:唯有係咁。

    小彭:我唔會同依種人嗌交,但又唔會讓步,唯有報警。

    歐歐:真係唔明啲人做咩無端端猛咁鬧人,我最唔忍得就係依 ting。

    劉鄧:我果時真係幾激氣嫁,不過好快無事喇。

    師妹:又俾你篤爆添 ~ 哈哈 ~~

    回覆刪除
  7. 意粉咪嬲啦, 你大人有大量...果個亞哥可能之前受咗氣, 咁啱有位比佢出氣啫...依家搵食好艱難,D 人係咁躁o架啦...

    P.S. 我公司都有搵開呢D亞哥做o野, 不過價錢就"質"到佢無啖好食(我都係被迫)...覺得佢地幾慘...

    回覆刪除
  8. ayclui:我可以理解,但點都唔可以俾啲人恰得就恰。

    回覆刪除
  9. 呢D哥仔揸車好恐佈,今日新聞又一單喇

    回覆刪除
  10. 我啱啱打咗段好長嘅字講我早幾日一單好慶嘅事原來 post 唔到喎~ >_<

    回覆刪除
  11. 鳴門:欺善怕惡,一定有報應。

    大頭:咁邪?Save 左佢遲啲再 post 過囉 ~~ 咩咁慶呀?

    回覆刪除
  12. 大頭:我係話 save 左佢晌 Word 之類度遲啲再 post 過。

    回覆刪除
  13. 人嘅問題,如果佢個人事事可以放輕鬆d就唔會咁對人啦!我都贊成您唔好同呢d人嘈,而家好人癲嘅人!

    Um ~ 果個管理處職員先生會唔會係網友呢?

    回覆刪除
  14. 基斯汀:佢地有兩個人(仲有一個跟車阿叔)我得一個,有咩事蝕底果個一定係我,所以雖然我唔驚,都要報警至可以解決。我估管理處職員先生可能晌我公司做過,但我真係一啲印象都無。

    回覆刪除
  15. 管理處職員先生?網友?莫非......

    回覆刪除
  16. 老師想像力太豐富喇 ~~ 哈哈 ~~~

    回覆刪除
  17. 算喇,唔寫低過就由得佢一排唔記得仲好~

    回覆刪除
  18. 大頭:寫完我都已經唔記得晒咁滯 lu ~~

    回覆刪除

注意:只有此網誌的成員可以留言。