2009年6月22日星期一

魚樂無窮 之 一個月

小魚兒來到意粉家剛滿一個月,感覺卻像已有一輩子,皆因在第 17 天牠們便當上爸爸(?)媽媽,大大打亂意粉的生活步伐。


07:33

19:56
最近媽媽魚的肚子似乎又膨脹起來,好驚!
這晚卻表現得沒精打采的,有點擔心呢。

BB 魚已 16 天大,暫時還是平平安安,也很活潑,食量漸漸增加,這幾天開始像爸爸媽媽般饞嘴,每當我走近便雀躍萬分地游上水面(以為有東西吃吧,哈哈!),令我既開心又有滿足感。


18:09

19:57
要拍魚兒真不容易,幾十張裡也沒幾張見得人。

這陣子腦海中經常盤算秋遊的事,昨晚和 husband 協商好日期,目的地和路線卻仍是茫無頭緒,更大的問題是:

外遊時魚兒該怎麼辦?!



20 則留言:

  1. 秋遊呢~~~~~會唔會對魚兒已沒興趣呢?
    又或者給樓下亞婆托管!

    回覆刪除
  2. 到時啲魚仔大晒或者識得自己照顧自己哩~

    回覆刪除
  3. 歐歐:可能真係要棒打鴛鴦至得 ~~~

    老師:我事前有停一停諗一諗嫁,雖然突然間多左四條或者遲下仲會多啲,我都會負責生養死葬。魚唔同其他野,唔係任何人都識打理,到時或者要麻煩下養開魚既鄰居。

    大頭:係喎 )))))))

    回覆刪除
  4. 隔個月就再架啦!好好玩架

    其實有D乾糧叫七日糧定十日糧,一舊磚咁,唔會溶,你得幾條,夠食幾個月

    回覆刪除
  5. N年前一個夏天,哥嫂到歐洲遊玩,托我每天到他家裏餵魚,結果在他們回家那天,打開門便臭氣燻天,魚魚闔家富貴,哈哈~~

    魚魚致C原因係我懶,响佢地回家前兩天冇去餵魚,魚魚應該係熱C或餓C,罪過!罪過!

    回覆刪除
  6. 鳴門:所以我打算分開公乸養,免煩 ~~ 晌金魚街都見過叫「七日糧」既物體,但我覺的唔衛生囉。而且十日唔換水啲魚 ham 硬啦,哈哈 ~~

    師妹:魚魚死得好慘呀 ~~~ 我阿妹都話幫我餵魚,但我覺得重點唔係食而係換水,所以應該搵個養開魚既人幫手,其實心目中已經有合適既人選,佢唔會托手踭啩?

    回覆刪除
  7. maymay姨咁無心肝架原來, 咁你阿嫂咪嬲死你.....

    意粉姨變左樣既......
    搵鳴門啦, 佢對養魚咁熟~

    回覆刪除
  8. 萊少:俾我實喊死喇 ~~ 頂帽可能晌盛岡抖緊暑 lu,都應該換啦。點敢麻煩啲大哥呀?

    回覆刪除
  9. 你幾時去旅行呀?夾到時間都可以諗諗嘅

    回覆刪除
  10. 呢個世界有樣叫自動餵食器嘛!幾十蚊一個,夾係缸邊。查實係一個會轉的timer,每到時間就轉一圈令夾住的一個可放糧的盒轉一圈倒下魚糧。不過,試驗證明,如天氣潮濕又或使用片糧的話,d魚糧好容易積左係盒度落唔到,餵粒糧會較好。

    但,因為要夾魚缸,意粉要先考慮換缸囉!哈哈~~

    回覆刪除
  11. 養左寵物有時就有呢種煩惱呢.... 阿婆可否幫忙?

    回覆刪除
  12. 鳴門:好梘動呀 ~ 11 月頭左右啦,仲有排,到時再籌謀。^^

    大雄:都考慮緊好唔好換,不過我係好鍾意依種圓缸。

    基斯汀:養魚之前就係諗漏左依樣 ~~

    回覆刪除
  13. 萊萊:佢地冇嬲我,不過我就內疚到依家囉!

    回覆刪除
  14. 師妹:換轉係我都無得嬲啦,都死晒咯,哈哈 ~~

    回覆刪除
  15. 真係要所託一個有交帶又熟養魚既人~

    maymay,俾我嬲你一世呀!為左分擔你既內疚感,星期六請我地食飯啦一於~~

    回覆刪除
  16. 萊萊:咁我星期六帶盒飯出黎俾你地食啦,一於~~^o^

    回覆刪除
  17. 萊少:咪乘機呃我師妹喎,哈哈 ~~~

    師妹:唔好理佢啫 ~~~ ^^

    回覆刪除
  18. 意粉, 果D糧叫假期糧呀~ 好似一星期一粒,放入水度會好慢咁溶, 溶溶下就跌D魚糧出黎...我記得有隻牌子仲唔會整污糟D水添...不過D魚好似食得好少咁, 可能D 味唔同啩.

    秋遊目的地? 梗係東北啦...我煲緊十月尾呀, 希望煲得成啦~

    回覆刪除
  19. ayclui:11 月初左右出發,到時至算啦。目的地暫定南紀伊勢志摩,依幾日刨書搵料,但一啲都唔入腦,好頭痕。上次去左松島仙台算去過東北喇,哈哈,硬係同佢無咩緣份咁。

    回覆刪除

注意:只有此網誌的成員可以留言。