由即日起,本網誌將無限期停止更新,各位朋友的支持和鼓勵,意粉銘記在心,有緣再見。15 Jan 2013 16:30

2009年12月9日星期三

魚樂無窮 之 魚魚近況 @ 20091209

大哥哥安然無恙,我也放心把兩個魚缸佈置妥當,讓魚魚住得舒適快樂。


My Girls
小魚魚躲藏的角落(圓圈)

My Boys
大哥哥(箭嘴)仍然是傻頭傻腦的


天氣寒涼,每次換水也很擔心魚魚會著涼,上星期專程跑到沙田購買溫度計,以後換水可以安心又放心了。


原本是食物溫度計($89)

用之量度水溫方便又快捷


冬季換水小心得:
  1. 最理想是在陽光充沛的中午進行。

  2. 每次最多換掉三分一缸。

  3. 魚缸的水日常恆溫是 23-25℃,如新水水溫在 20℃以上,可直接用小容器緩緩注入缸裡,同時留意不要讓水溫急速下降。

  4. 如新水水溫在 20℃以下,必須把水溫提升,時間充裕的話,我的做法是把盛水的容器放置於暖爐旁邊,待水溫升高至 20℃以上才用。如時間不足,經水族館伯伯教路,方法是把小量熱水撞進,緊記不能加太多(會影響水質)而且必須確定不會把水溫弄得太高。

  5. 由於換水時須把暖管關掉,加水至安全水位馬上把暖管開動,讓水溫儘快回復正常。



9 則留言:

  1. 考眼力呀!最後都要放大個圖至見到個箭嘴~

    回覆刪除
  2. 同之前果篇咁似嘅,以為係舊野㖭

    大哥哥無事咁就安樂啦

    回覆刪除
  3. 帥哥:唔放大張圖都睇到咪要整到雞乸咁大個箭嘴?

    鳴門:個缸靚左咁多都睇唔出,下次去見醫師叫佢幫你針下雙眼 ~~ :P

    回覆刪除
  4. 咪又係7號果篇個缸,boys同girls掉位咋嘛

    回覆刪除
  5. 有冇用新買支探熱針呀?

    水草巧靚~^^

    回覆刪除
  6. 轉咗紅色底,啲相好似sharp咗好多~
    試後抑鬱? 好快就有得去覆診啦!

    回覆刪除
  7. 鳴門:你對眼有事呀,真係 ~~~ :P

    師妹:有呀,不過唔記得左貼出黎,依家補番喇。養魚之外,養啲靚靚水草都好係賞心樂事;仲有,原來用魚缸換水黎既水淋植物真係會強壯好多,啲四季桔同無花果又大又靚,算係意外收穫 ~~ ^^

    劉鄧:紅色有聖誕氣氛嘛 ~~ ^^ 至弊依幾日連 plan 行程都無心機呢 ~~~ @@

    回覆刪除
  8. 鳴門先生去見醫師時要針下雙眼? 駛唔駛用蓮花針呢呵 ^^?

    依家我又覺得哥哥魚嘅屋企靚 d 啦~

    回覆刪除
  9. ayclui:睇怕佢成身都要針下,呵呵 ~~~~~ 其實我見到周時會幫魚魚換水草,所以個缸成日都唔同樣 ~~~ ^^

    回覆刪除

注意:只有此網誌的成員可以留言。