2011年1月25日星期二

私の万年筆

珠女離開的晚上,無心睡眠,藉收拾亂七八糟的工作間平伏心情,竟然讓我翻出一支陳年墨水筆來。

印象中好像是在紅磚學院工作時代購入的
時維 80 年代初期,看來仍相當「新淨」

向來覺得墨水筆是很有文藝氣息的裝備,加上修讀商科時學校規定使用墨水筆,故投身社會後仍有段長時間用作隨身書寫工具。


墨水跡印證著意粉的青蔥歲月
大概稱得上是個文藝青年

當時用的是可替換的墨水芯(後)
原裝的墨水管(前)是簇新一片

很想知道這支筆仍能用與否,但再用它的機會相信不太大,也無謂花錢去買墨水了。



12 則留言:

  1. 我依家呢個老細都係用緊墨水筆,可能枝筆有好耐歷史,有啲漏墨,成日搞到啲支票一撻撻墨水漬,核核突突。

    回覆刪除
  2. 唔用擺喺度咪嘥囉,用下佢啦

    回覆刪除
  3. 我呢~ 好鍾意用墨水筆架... 不過而家時代唔同... 用筆嘅機會真係少之又少呢~

    回覆刪除
  4. 細個屋企都有支墨水筆
    要泵啲墨水入去架嘛~

    回覆刪除
  5. 我以前睇過一個骨科醫生都係用墨水筆寫字架,我覺得好靚,俾我好深刻印象,所以成日都記得佢。

    "唔用擺喺度咪嘥",非常同意~^^

    回覆刪除
  6. 用墨水筆寫字要識技巧,我寫極都係一撻撻,注定我唔係文藝人 !

    回覆刪除
  7. 劉鄧:我簽名用走珠筆,都有少少似墨水筆 ~~~

    鳴門:你夠有好多野唔用擺晌度啦 ~~~

    基斯汀:同道中人 ~~~

    大頭:咁支筆依家去左邊樹?

    師妹:或者有朝一日我 chee 起條筋會用番都唔定 ~~~

    回覆刪除
  8. galaxy:頭先 R 都同我講話佢唔識用墨水筆寫字,我仲以為佢係左撇子先會咁添 ~~~

    回覆刪除
  9. 唔知呀,好耐好耐之前喇~

    回覆刪除
  10. 想起上星期看《三丁目の夕日》,潦倒落寞作家竜の介發現年紀小小的淳の介很有寫作天份,遂花掉幾乎所有身家買了一支万年筆給他,還裝成是聖誕老人送的,淳の介收到筆時那份興奮激動、與之後對筆那份珍惜和保護(其實他後來已猜是竜の介送的),我是非常感動。:)

    回覆刪除
  11. 我有幾個老細都愛用墨水筆,仲有埋個半圓形o既碌,簽完印一印d墨o既。但最怕做野又要比cheque果d,落雨拎出街,真係一步一驚心....

    回覆刪除
  12. 溍爸:用墨水筆簽字至夠氣派呀 ~~~ :p

    回覆刪除

注意:只有此網誌的成員可以留言。