由即日起,本網誌將無限期停止更新,各位朋友的支持和鼓勵,意粉銘記在心,有緣再見。15 Jan 2013 16:30

2011年4月7日星期四

我的近況 @ 20110407

上一次自我檢討是大概三個月前的事了,現在似乎比當時好一點點,但其實各方面其沒有太大改善,只是自我感覺良好一些、做事也積極一點吧。

現在每天約 06:15 起床(起床時間將隨著日出時間越來越早),梳洗後馬上開始忙魚魚的事,08:30 至 09:00 間出門,到某屋苑買早餐及午餐後才上班。返抵辦公室第一件事是餵魚魚,之後邊上網邊吃早餐。吃飽開始工作,午休時間大都是回家給魚魚換水,有時也會出去辦理私事,回辦公室會吃點麵包或餅乾充飢。

農曆年後工作很忙,抽不出時間每星期出城去接受針灸治療,感到身體不太暢快,可是,人在江湖身不由己也沒辦法,希望是儘快把積壓的工作辦妥,但案首的文件卻越堆越高,好無奈啊!

不過,我只工作至 17:30 便下班回家,回家照顧好魚魚的晚餐便和 R 出去吃晚飯,沒做飯快一年了,幸好大埔吃飯的選擇不算太少,而我倆要求也不算太高,感覺是 so far so good。對我而言,晚飯是一日中最輕鬆的時間,要好好享受才是。

晚飯後便是溫習和做功課的時間,高級課程有點難,加上老師很嚴厲,給的功課挺多,而且不時進行突擊測驗,故此不敢鬆懈。7 月 3 日是 2011 年第一回日文能力試的日子,我將會挑戰 N4,雖然到時課程尚有兩個月才完成,但看過舊試題後感到自己應該應付得來,便斗膽赴考了。

之前規定自己每晚 23:00 前睡覺,最近可能是太累,很多時 22:00 左右便睡了,近日天氣忽冷忽熱,日夜溫差動輒達至 10 度,令我整天掂著陽台魚缸的水溫,甚至調較鬧鐘半夜爬起床檢視,雖然也覺得自己太緊張,但就是放心不下,還好我是個睡寶寶,一躺下便會睡著,睡眠質素倒沒受太大影響。

快 23:00 要去睡了,晚安。



17 則留言:

  1. 我近排晚晚都四點幾醒一醒
    要過一陣至瞓得返
    感覺不太好~

    回覆刪除
  2. 妳時光倒流了,重掛住2010的考試

    回覆刪除
  3. 我噚晚飲左枝茶,竟然失眠,一早落左街影相

    回覆刪除
  4. 帥哥:可能你瞓得太多啫,哈哈!

    I.minor:證明我真的累壞了,嘻!

    鳴門:除非真係好大件事,否則唔會失眠,只會嫌唔夠 ~~~ 我好幸福啊!(touch wood 先 ~~~)

    回覆刪除
  5. 我次次都係飲左濃茶或者比蚊咬先出事,通常一年都係出現兩三次啫

    回覆刪除
  6. 而家既4級係咪等同以前既3級呀?
    係既合格唔難丫, 高分就要搵下書喇~

    回覆刪除
  7. 係咪有乜野原因屋企唔煮得飯架?

    回覆刪除
  8. 鳴門:明知就咪飲啦,law lee jean ~~~

    萊少:係,N4 = 以前 3 級,我梗係要高分啦,不過我既策略係臨考之前喪做 past paper~~~ 番工 + 照顧魚魚 + 讀日文已經無晒時間同精力啦嘛 ~~~

    回覆刪除
  9. 你就好啦,大埔咁多野食~
    你就好啦,咁好瞓~~

    回覆刪除
  10. 夜晚唔飲鈇觀音無事架,其他茶ok架

    回覆刪除
  11. 師妹:幾好嫁 ~~ 嘻嘻 ~~~ :p

    鳴門:即係你尋晚飲左鐵觀音啦 ~~~ 我依家都飲緊,啱啱先做完功課,超眼瞓 ~~~ @@

    回覆刪除
  12. 我也是每天06:15起床啊~~哎吔~~好眼瞓呀~~~

    回覆刪除
  13. 薯嘜:朝早 11 點幾就眼瞓,幾時得到夜晚呀?:p

    回覆刪除
  14. 意粉自從開咗魚場之後無哂私人時間啦~

    回覆刪除
  15. ayclui:可能係前世欠落既債今世還,哈哈!

    回覆刪除

注意:只有此網誌的成員可以留言。