由即日起,本網誌將無限期停止更新,各位朋友的支持和鼓勵,意粉銘記在心,有緣再見。15 Jan 2013 16:30

2011年5月30日星期一

巨型飛蟻?

上星期天氣不太穩定,蚊蟲特別活躍,星期五清晨,就發現一隻疑似是飛蟻的巨型昆蟲一動不動的仰臥在發泡膠箱水面,而箱邊有幾塊不知是否屬於牠的翼片,每塊足有一吋長。


以為牠已歸天了,用杯子把牠搯出,發現仍是活的,便連蟲帶水一道倒在花槽的泥土上,還牠自由,雖然牠的翼片馬上甩掉,牠卻龍精虎猛的四處遊走。


我忙於照顧魚魚和花花草草,無暇理會牠,只看到牠在陽台上團團轉,似乎逛得很高興,不過,後來失去了蹤影,但肯定沒有死在我的腳下。



20 則留言:

  1. 嘩~~~我怕蛇蟲鼠蟻,見到佢我肯定走夾唔唞~~

    回覆刪除
  2. 肯定係飛蟻D親戚啦,會變白蟻架,唔好放生呀

    回覆刪除
  3. 嗰啲翼應該唔係佢架!

    呢排好多飛蟻
    我見一隻殺一隻呀~

    回覆刪除
  4. 大頭:
    嗰啲翼應該唔係佢架!。。。。梗係啦,唔通佢有7隻翼咩

    回覆刪除
  5. 薯嘜:男人大丈夫咁細膽!

    老師:應該係用 IE 至有問題。

    師妹:大埔風水好吖嘛,哈哈!

    鳴門、大頭:依排真係超多蚊超多飛蟻,依兩日都不時晌露台見到依啲大翼。我屋企有蚊網,只要啲蟲唔入屋我唔會殺佢,就算入左屋,如果無即時危險(例如係蚊蚊),我都會理順,捉左佢放番出外面,始終係生命,萬物都有生存既權利,阿彌陀佛。

    回覆刪除
  6. 萬物都有生存既權利,阿門。^0^

    回覆刪除
  7. R:有曱甴呀
    意粉:搵野餵佢啦。。。


    阿門

    回覆刪除
  8. 鳴門:我屋企無曱甴喎,阿門。(Touch wood 先)

    回覆刪除
  9. 啱啱又消滅咗一隻無咗翼嘅
    善哉善哉~

    回覆刪除
  10. 依位大頭施主:萬般帶不走,唯有業隨身,善哉!善哉!

    回覆刪除
  11. 肯定係飛蟻D親戚啦,會變白蟻架-->係真o架意粉~
    我去奶奶度食飯, 佢屋企近山邊, 果D飛蟻(佢地叫大水蟻)幾鬼多又大隻, 要搵人拍C哂佢我先敢坐定定食飯呀...(阿彌陀佛, 我唔想o架)

    回覆刪除
  12. 我知飛蟻會變白蟻,依啲係大自然既定律,佢地都唔想做害蟲。但我睇見既係佢地甩翼之後多數會死。

    大家知道嗎?就算係最凶猛既動物,獵殺其他動物只係為左充飢為左生存,只有人類會唔係為左生存甚至只為 make fun 而殺死其他動物,人類既妄自尊大已經令其他物種迫到走投無路,我唔想咁樣。

    可能因為我自細住晌山邊,見慣啲蛇蟲鼠蟻,當佢地只係身邊存在既事物,對佢地亦無乜惡感。唔想佢地入屋我裝蚊網,佢地唔入屋對我既影響不大,為乜要無端端 KO 佢呢?昆蟲都有感覺,仲識得聽我講野我覺得,哈哈!

    回覆刪除
  13. 飛蟻:呢家人咁好,唔好蛀佢個櫃啦,搭車去大頭屋企啦

    回覆刪除
  14. 嚟親我屋企無好下場架,留喺呢家人度築巢喇~

    回覆刪除
  15. 贊成啊... 不要互相傷害的好~

    回覆刪除
  16. 都係姊姊妹妹心地好 ~~~ :)

    回覆刪除

注意:只有此網誌的成員可以留言。