2011年11月18日星期五

黑狗當災

我的《面書》朋友可能已讀過昨天早上我寫關於『好難相信一個放狗既人㑹拎石頭掟人地既狗』擲石頭的人的故事,這裡我要寫的是那被人擲石頭的狗。

這黑狗的名字應該是『?頭』(原來牠的名字是『叉燒』)
我從來聽不懂牠的主人的方言

黑狗跟牠的主人,一位典型的圍村老婆婆住在位於村口的房子,以前除了黑狗外還有一條黃狗,老婆婆每天一早便放牠們出來自由活動,而牠們只會在村口一帶走動,很少會走進村裡。我覺得牠們其實很乖,只要老婆婆發出千里傳音,牠們便會飛奔回家;從未聽過牠們亂吠,也未見過牠們嚇唬路過的人,只是路過的人自己嚇自己。

可是,最近黃狗不見了,孤單的黑狗開始走進村裡,四處探險。

黑狗很想接近路過的狗狗
故此常遭狗主不友善對待
但被人擲石頭實在是太過份

我不覺得黑狗對人不友善,反而見過不少人作勢要打牠驅趕牠。

其實只要像這位哥哥懷著平常心
人和狗便相安無事

我想說:通常有問題的不是動物,而是牠們的主人。


傳貼《擲石頭的人的故事》:

依家人住地下,有個小花園,由於我廚房個窗對到正一正,所以唔想睇都睇到,佢地養左 1 隻唐狗女 1 對芝娃娃,佢地對隻唐狗女好差,一日到黑綁住晌鐵閘邊,當隻看門狗,個男主人仲離奇,晌屋企就綁,放狗就唔綁,隻狗女梗唔想番屋企啦,個衰人見佢唔番就拉閘唔畀佢番,隻狗女試過通宵番唔到屋企(唔只一次),果晚又落雨又凍,連我依個旁觀者都覺得心痛。第一次見到隻狗女晌門外徘徊,都試過開閘畀佢番入去,之後發覺經常發生,就唔敢再多事。好在依家男主人有新玩意,日日躝左出去,早晚都由女主人放,佢就一定綁住既,唔會再走狗。

兩隻芝娃娃雖然好 free,表面上好似幸福,亦都幾乖幾聽話,但佢地要隻狗女係咁生,生左出黎就四維搵人收養,搞到條村養狗戶幾乎人人有隻芝娃娃,好啦,老果隻女唔知死左定畀佢地送走左,總之就唔見左,佢地竟然留番隻 B 女黎代替,好嘔心!

我唔明囉,佢地兩公婆同個仔(高中生)應該唔係愛狗人囉,做乜要養唧?佢地好信風水命理,我估可能係啲神棍點佢地囉。

拎石頭掟人地隻狗既就係依個女主人。



6 則留言:

  1. 要隻狗女係咁生為乜呀??? 佢唔知咩叫絶育架!!!
    仲要用石頭掟其他狗?!!! 真係離哂大譜!!! 好嬲!!!!

    回覆刪除
  2. 今日你向狗掟石頭,下世會比人掟番石頭。。總覺得做每件事都會有報應

    回覆刪除
  3. 個家庭的確奇怪!

    我估佢養狗,可能都係搵佢地看下門口掛;

    回覆刪除
  4. TY:我相信係同風水有關,仲要係陳X聰之流 ~~ 我都好嬲,黑狗對人無敵意,但好多人對佢有敵意,見過有個阿叔用買餸車作狀打佢,但通常都係作下狀,真係落手既就係依個女人囉 ~~~

    小明:唔駛等下世,佢地雖然經濟環境應該唔錯,兩公婆都唔駛做,但佢地既健康都有問題,亦可能因此而篤信風水命理,唔好話我黑心,我覺得抵佢地囉。

    I.minor:看門口係唐狗既專責,一日廿四小時(除非落雨)都係綁晌門口度。

    回覆刪除
  5. 唉....有時就是只能眼看,但不能做些什麼...

    回覆刪除
  6. Catherine:係啦,依兩日都見唔到黑狗,有啲擔心。

    回覆刪除

注意:只有此網誌的成員可以留言。