2006年12月7日星期四

My life as a housewife

我很幸運(有些朋友可能會反對),工作及居所皆在同一區,上下毋需花太多時間,也可較自由的處理家事。

喜歡在家吃晚飯,早餐後必到屋村街市買菜才上班,如買不到合意的食材,中午還會到大埔墟街市走一趟。

這天早上已買了做菜的材料,中午還是跑了去大埔墟街市,為的是兩片鹹魚(合共 HK$15,上面是馬友,下面是白花)。


順道買些水果,自稱最甜的以色列柿(the sweetest persimmon),很香甜,價錢很相宜(HK$25/盒)。


檔主自稱「印度阿芒嫂芒果」,標籤卻印著來自印尼,嗅來甜味很濃,味道很獨特,有種強烈的香草味,價錢不平宜(每磅 HK$25),兩個少少的也需付 HK$21。


踏入冬季,下班返抵家中天色已暗。


做好一鍋大芥菜黃豆排骨湯,味道清甜,很適合這季節。

22 則留言:

  1. 住得近上班地點真好
    歐巴桑上班車程要約一小時呢
    工作圈子又小, 想轉工又不容易
    每天起床都有種日出而作, 日入又沒空休息的感覺^^

    回覆刪除
  2. $25 九個柿很便宜啊!就算 $21 兩個大芒果也很相宜。我在三亞想買兩個火龍果,竟然收我 26 蚊人仔,呃我遊客咩!

    回覆刪除
  3. 我也算是同一區上班呢
    每日都係行路返工同放工 ^__^

    回覆刪除
  4. 歐歐:意粉老了,不能舟車勞碌,所以近年也是隨著公司搬家的。

    大頭:兩個芒果很細,長度不足 9 cm,而且核頗大,不抵吃,大大個呂宋香芒只須 $8/個呢。哈哈,唔呃遊客呃邊個?

    pace:可以行路仲正啦,以前住西營盤 & 上環番工,放工唔駛趕住煮飯都會行路番屋企!

    回覆刪除
  5. 那兩個芒果太貴了--可能我唔知米價喇。

    回覆刪除
  6. 芒果只是貴了點,又未算是太貴。

    回覆刪除
  7. 那個以色列柿很吸引!

    如果泰利嫂肯好似意粉你咁買下菜煮下飯就好喇~~~~~ :(

    回覆刪除
  8. N年前我都做過一份工,公司就在我家樓下商場。

    話說有一天經過商場一家正在裝修的百貨公司,門前貼了廣告招聘會計,一問即合,一做便做了五年。

    意粉:點解唔買番間屋安定下來呢?

    回覆刪除
  9. 泰利:顧住阿嫂扭你耳仔 ~ 每人有不同興趣嘛,遲下 Little Warrick 大個仔,阿嫂可能會煮 d 愛心飯菜俾你地呢。^o^

    maymay:原來係同行。哈哈,之前已買過兩間屋,都未能安定下來呢。

    回覆刪除
  10. 這種以色列柿超正,可惜小了一點,而且削皮削到傻!
    可以大清早上菜市場買最新鮮的菜,好幸福啊!
    大芥菜黃豆排骨湯,意粉,你煮潮州菜也有一手喎!

    回覆刪除
  11. 劉鄧:我地食柿唔批皮,洗乾淨就咬,皮唔硬就食埋,硬就 lur。大清早買到第一手餸菜,真係零舍唔同。意粉好歹都係潮州人,都識煮番一兩味潮州o野既。

    回覆刪除
  12. 聽人講菲律賓的芒果係好正....

    回覆刪除
  13. 貝拉,呂宋芒果就是通常在街市買到的。

    回覆刪除
  14. 咸魚中, 我比較喜歡或仔魚..好香
    若不怕魚骨的, 曹白魚是咸魚中的極品...一小片放入口慢慢"莓",好香好野味

    回覆刪除
  15. galaxy: 牙「魚或」我也喜歡,鰽白很少吃,最近較喜歡吃馬友。

    回覆刪除
  16. 有點懷念小時候吃的鹹魚雞拉飯。

    從前尖沙嘴大華(樂道,即現在鴻星)的鹹魚雞拉飯好正架!

    回覆刪除
  17. 意粉不太喜歡在外面吃飯呢,因飯的軟硬度通常不太理想。

    正如 Roy 少話齋:好食o既飯係好好食!

    回覆刪除
  18. 現在的呂宋芒, 吃了我會喉嚨痕, 好多時跟住就唔舒服... 所以我不能吃! 印度芒彭媽十分喜歡, 所以我一見有就買兩個!

    以色列柿很好吃, 不過劉鄧說得對, 削皮後都無肉食!

    回覆刪除
  19. 小彭:芒果很濕熱,不宜多吃,我今年起已全面戒絕。因以色列柿 size 細,不用削皮,就像吃中秋柿般吃。

    回覆刪除
  20. 芒果真係好毒,尤其易有皮膚病的人一定要少食, 我就係其中一個了.... 嗚嗚..

    回覆刪除
  21. 意粉好推介!! 以色列柿果然美味!!! ^0^

    回覆刪除
  22. 貝拉:幾好食都係一個生果啫,唔食芒果可以食第二樣嘛。

    泰利:何何唧,介介唧 ~ ^_^

    回覆刪除

注意:只有此網誌的成員可以留言。