由即日起,本網誌將無限期停止更新,各位朋友的支持和鼓勵,意粉銘記在心,有緣再見。15 Jan 2013 16:30

2008年4月29日星期二

我的近況 @ 20080429

三月中出發到日本前,身體出現異常狀況,心中暗覺不妙,回港後馬上約見醫生,並於上星期二動手術切除生病的器官,幸而化驗結果是良性。

雖說手術危險性不高,入院前後情緒一直頗低沉,不時感到心亂如麻。

感受最深刻的是那天躺在冰冷的手術床上,麻醉師注射過後,整個人即時墮入黑洞之中,這次沒有做夢,三個多小時之後,醫護人員不斷的呼喚,把我從黑洞中拉回來。



同事和同學送來的祝福

手術後躺在床上超過四十四小時,離床後除了晚上睡覺,沒有再躺下過。

能在只有幾十呎長的走廊上散步已覺得很幸福

一如醫生預告,在醫院住了五天便回家。

回家前吃了一百分下午茶,別有一番滋味在心頭

昨天傍晚到診所覆診,趁機吃了頓味濃又油膩的晚餐。





今早是一個星期以來,首次獨個兒出外,自由自在的感覺真好。


最新動態:由於是微創手術,身心在迅速康復中,這星期繼續休假,下星期將會彈性上班。五月之西安遊延至秋天,六月之日本行將如期進行,但會採用較悠閒舒適的方式。

特別鳴謝:父親大人、母親大人、husband、妹妹、妹夫、姨甥 Jason & Carmen、鍾醫生、Johanna 與所有給我關懷、支持和鼓勵的朋友。


25 則留言:

  1. 姊妹~~
    保重!身體健康呀!
    味濃又油膩的晚餐,得唔得呀!

    回覆刪除
  2. 哎呀!咁大件事!?
    那麼你要好好保重身體,暫時忍忍口好了!

    回覆刪除
  3. 大胆呀妳,食d咁肥膩嘅野~

    回覆刪除
  4. 嘩, 一好番就亂食野! 保重呀!

    回覆刪除
  5. 係咪挑左條日遊筋~
    定係一個玩"闖"左既心呀~
    嘿嘿~講笑講笑~

    回覆刪除
  6. 冇事就最好了!
    好好休息啊,仲食啲咁肥膩嘅嘢!

    回覆刪除
  7. 老師、劉鄧、師妹、小彭、大頭:手術後日日食埋 d 淡茂茂既野,仲唔乘機刺激下咩,而且醫生話我咩都食得,淨係唔食得人參、當歸同埋酒。

    B 朗爸:意粉工作時工作,遊戲時遊戲,分得好清楚嫁。

    回覆刪除
  8. 仲有,醫生話酸甜苦辣都吃得,母親大人都只係唔准我食蝦蟹同鴨鵝等毒物。

    回覆刪除
  9. 哎喲, 肥膩野都係對身體無益,要忍下口咯。
    祝 快D好番 !

    回覆刪除
  10. 願主祝福你!
    做手術點都會傷點元氣, 阿媽話食花膠最好!

    回覆刪除
  11. 意粉一向好有分數,但還是要多口補一句:

    保重身體!

    回覆刪除
  12. 好囉好囉!見到您可以周街走真係安樂,不過都係要事事小心,問問中醫您要點樣補下元氣啦!保重呀!

    回覆刪除
  13. galaxy:謝謝你,我係屋企食得好清淡,又要依醫生吩咐食乜食物,出到城乘機刺激下味蕾,其實胃口仍然唔好,每樣都係淺嚐下啫。

    小妹:多謝你,中醫師都叫我食花膠,所以依幾日都食緊(其實我係唔鍾意食既,嗚嗚 ~ )。

    wordy:有時要放肆下至開心。

    基斯汀:多謝你,husband 今日放工番黎話我直情好似無野一樣,哈哈 ~

    回覆刪除
  14. 意粉, 一切以健康為重, 望儘快康復, 祝安好!

    回覆刪除
  15. 見係咁多日都無寫blog,都覺得怪怪地...早日康復,一日比一日健康.

    花膠我細個要一星期飲三次,飲到怕怕怕怕怕怕怕怕怕怕怕怕怕怕怕怕怕怕怕怕怕怕怕怕

    回覆刪除
  16. 咁耐唔見你都覺得有啲嘢喇!
    身體健康真係最重要
    乖乖戒口不要多吃肥膩東西啦
    特別係100分食堂的那些XD

    回覆刪除
  17. 啊~~攪到要去"切",真係要好好保重同保養返先得喇!不過聽到妳說6月又返鄉下,我想妳應該很安好吧!哈哈~~

    回覆刪除
  18. 最緊要健康,保重身體,快快康復。

    回覆刪除
  19. 湯馬士:收到、收到。

    鳴門:幾唔鍾意食醫生吩咐到都要食,意粉好乖嫁,有時,嘻嘻 ~

    歐歐:最衰醫院無 wifi 啦,哈哈 ~

    溍爸爸:唔當自己係病人就會生生猛猛喇。

    小頭:謝謝你!

    回覆刪除
  20. 近日太忙,沒時間到你blog逛逛,想不到你要做手術啊!
    你要好好保重身體呀!好好休息!不要太勞動了!

    回覆刪除
  21. 咁快就周圍走,傷口唔痛咩?

    回覆刪除
  22. 小米:謝謝啊!

    師妹:醫生叫我行多 d 街,唔好成日坐係屋企呀,不過出面空氣好差,番到黎覺得有 d d 暈。傷口復原得好好,仲有少少痛啦。

    回覆刪除
  23. 保重身子啊!
    祝生龍活虎!

    回覆刪除
  24. 嘩、原來咁大件事…

    幾時再出來食飯?

    回覆刪除
  25. 薯嘜:多謝你!

    阿明:遲下至算啦。

    回覆刪除

注意:只有此網誌的成員可以留言。