由即日起,本網誌將無限期停止更新,各位朋友的支持和鼓勵,意粉銘記在心,有緣再見。15 Jan 2013 16:30

2009年6月7日星期日

魚樂無窮 之 忽然添丁

早上轉醒上洗手間時,看看時鐘原來已是 07:35,正在盤算應否先餵魚再去睡之際,忽然發現類似蝌蚪物體在缸邊浮游,意識到是新生魚兒(想不到竟然應了鳴門的烏鴉口!),立時睡意全消,來不及戴上眼鏡便火速展開拯救行動,結果共撈起四條長約半公分的魚 BB,相信有不少已進了大魚兒(小魚兒升了級啊!)的肚裡。

冥冥中一切自有主宰,昨晚重組家中水晶花泥栽種的黃金葛後騰出的小缸,正好作為魚 BB 的庇護所。

忽然添丁,不知如何是好
7 June 2009 08:07

事情實在來得太突然,也沒有心理準備,不禁有點手足無措,於是跑到大埔墟的水族館咨詢老闆伯伯,他說毋須特別料理魚 BB,只須用「BB 粉」(HK$10)餵食,待牠們長大到大魚兒吃不到的體積便可放回大缸裡。

魚 BB 似乎對 BB 粉沒有興趣
晚上會再餵一次
7 June 2009 10:53

大魚兒可能吃了不少魚 BB,已少放了魚糧,可是雌魚只吃一點點,雄魚完全沒有吃,只好把餘下的魚糧撈掉。

中午為魚 BB 佈置好居所,並為大魚兒遷新家,牠們好像有點緊張,可能是因為一夜之間發生的事情太多了,另外不知何解,整個早上雌魚不斷追擊雄魚,下午發現雄魚漂亮的尾巴崩破了,想必是雌魚幹的好事,好心痛。雄魚平日的活力不見了,垂頭喪氣的瑟縮一旁,怪可憐的。

大魚小魚暫時要骨肉分離
希望牠們健康成長
7 June 2009 13:06

p.s. 晚上雌魚仍不時追襲雄魚,雄魚的尾巴受了重創,決定把雌魚暫時隔離。


22 則留言:

  1. 恭喜意粉榮升祖母~
    悶悶地時睇住d魚游來遊去都幾得意架~

    回覆刪除
  2. 萊少:謝謝啊!不過我好少會覺得悶悶地過喎,哈哈 ~~~

    回覆刪除
  3. 哇~~~又會咁易【1拍即合】

    回覆刪除
  4. 有趣有趣... 記得小時候見過d金魚卵會痴晌水草個度, 跟住先變魚仔, 不過無幾耐就因為太多, 沖走晒lu. 呢個場面亦只見過一次咁多.

    回覆刪除
  5. 你上篇張相條雌嘅都大肚啦!不過我D開口中一向好嚇人。

    第一胎生好少條,可能真係得幾條同D未成魚嘅蛋,你搬屋佢嚇到早產左,細魚其實可以過兩日至餵,佢個肚脹卜卜,其實有好多養份,過兩日自然會食你D魚糧;
    最好都比條草佢,一來有氧氣,二來佢會食下D草上面D青苔

    祝全家健康成長

    回覆刪除
  6. to 小彭:
    你講嗰D唔係彩雀,可能係金魚啦

    回覆刪除
  7. 恭喜意粉做了婆婆,我家養親孔雀都瓜老襯,好在黑摩利好生養o者。最近有條紅蓮燈個肚脹到似雞泡魚咁,希望有魚仔喇,因為養咁耐都係死下一條死下一條,未見過紅蓮燈開枝散葉的。

    回覆刪除
  8. 老師:我認為はは黎既時候已經懷左孕,所以ちち可能唔係真正ちち。

    小彭:依啲場面晌 Discovery Channel 就睇得多,哈哈 ~

    歐歐:但係我係驚多過喜 ~ 啲 BB 仲係唔食野,はは仲係發緊癲,ちち條尾爛晒、傻下傻下咁,好地地一缸變左三缸 ~~~ @_@ "

    鳴門:你無聽書,哈哈 ~ 我仲未幫佢地搬屋就生左喇 ~ 人地小彭咪話左係金魚囉 ~ 希望你今次都中啦,我唔想任何一條香香呀 ~~

    大雄:揀孔雀主要因為以前曾經睇住朋友養,叫做有少少 knowledge,又覺得唔難養。果晚晌金魚街睇到啲紅蓮燈巧靚呀,都心郁郁嫁,不過仲控制得住。

    帥哥:早知道孔雀好好生養,但估唔到咁快 ~~~

    回覆刪除
  9. 哈哈哈, 恭喜意粉無端端做咗祖母...^^
    魚bb 好得意呀...魚媽媽可能有產後抑鬱症,係咁炳隻公...唔通係隻公食咗佢d 仔?
    好地地一缸變左三缸 --> 又幾麻煩啊..@@
    (所以我都係諗住買2隻公算啦,就算攪基都唔怕有手尾跟)

    回覆刪除
  10. 查實有d養育缸(即係一個有隙的膠兜,有吸盤可吸著魚缸),但只適合方型的魚缸,妳那圓圓的就不合用了。

    回覆刪除
  11. ayclui:我都產後抑鬱呀 ~ 哈哈 ~~~

    大雄:果日晌金魚街都見呀,頭先上網 search 過,話孔雀可以一個月繁殖一次喎 ~~ 唔係化 ~~ 咪玩啦 ~~~

    回覆刪除
  12. 孔雀可以一個月繁殖一次 --> 意粉你唔駛驚, 隻公條尾都爛晒咯, 邊有心情丫...梗係匿埋等條尾見得番人先浦頭啦...唔, 應該有一頭半個月清靜啦...

    魚bb開始食o野未呀?

    回覆刪除
  13. 快如閃電呀... 真沒想過咁快有BB~

    回覆刪除
  14. ayclui:今朝媽媽魚仲係好燥咁樣,不過好好胃口;爸爸魚仲係慌失失,無咩胃口;BB 魚好似仲未肯食野,唔知點好,唔落 BB 粉又驚餓瓜佢地,落左佢地唔食又驚整俗晒啲水,啲粉又好難撈番上黎,好煩呀 ))))))

    基斯汀:真係唔知是喜是悲,哈哈 ~~

    回覆刪除
  15. 意粉,
    開枝散葉係好事噃,唔使咁悲啦~
    我老爺好鍾意養魚,以前,佢逢星期日放假,便花一個早上來清理魚缸,好忙,見佢咁,我點都制止我老公係屋企養魚,費事到時要我跟手尾。哈哈~

    回覆刪除
  16. 劉鄧:星期六晌金魚街睇到好多可愛既魚仔都唔俾自己買,因為唔想越搞越大,變成一種負擔,點估到第二日無丫丫就多左四條,天意弄人呀 ~ 哈哈 ~~~ 等佢地大啲可能放生佢地算 lu ~~

    回覆刪除
  17. 養魚同養人一樣,睇同玩就係樂趣,但要照顧呢就......

    回覆刪除
  18. 劉鄧:咁你叻過我多多聲 ~~ ^o^

    回覆刪除
  19. 應該話我蠢你好多就真~

    回覆刪除
  20. 劉鄧:唔可以咁講,每人取向唔同啫。諗起你既城裡城外故事。^^

    回覆刪除

注意:只有此網誌的成員可以留言。