2008年2月24日星期日

食得幸福〔薯仔炆雞翼〕

最近家中網絡不時鬧情緒,昨晚花了不少精神才成功貼文,之後再沒氣力與它周旋,索性關機去看雜誌。

這期「鱔稿王」主題是雞翼,越看越是垂涎,今早馬上到市場買食材,晚上做了美味的薯仔炆雞翼。


簡簡單單的家常菜,有時卻比山珍海錯更滋味。

做法
  1. 雞翼解凍後抹乾水,加生抽、老抽、糖和胡椒粉醃片刻(我喜歡加少許酒辟去雪味並增加香味)

  2. 薯仔削皮切件,抹乾水份,用少許油半煎炸至金黃色取起

  3. 用餘油把雞翼煎至兩面金黃色,倒去多餘油份,薯仔回鑊,加醃雞翼的汁和適量水份,慢火炆約半小時




20 則留言:

  1. 雞翼是我每星期必煮的菜色之一,有時用薯仔煮,有時用冬菇煮,有時會用可樂煮,總之點煮都咁好味....

    回覆刪除
  2. 你呢碟「薯仔炆雞翼」都令我好垂涎噃!
    好!一於聽晚照版煮碗先!

    回覆刪除
  3. 「鱔稿王」這篇寫得不錯呢
    雞翼真係食極都唔厭呀

    回覆刪除
  4. 講得啱
    簡簡單單有時就係最好!

    回覆刪除
  5. 雞翼係幾乎無人會抗拒嘅食物,唔食豬唔食牛唔食魚都總會食雞翼(食齎例外)

    我嘅鱔稿係影定D"快獸相“,無嘢寫時攝一嘢!

    回覆刪除
  6. 貝拉:記得你也是愛吃雞之人。

    劉鄧:家庭飯始終健康 d。

    老師:十分同意。

    歐歐:依期主題寫得比較人性化,無咁鱔。

    大頭:你都好簡單吖(唔係踩你)。

    鳴門:我暫時都未聽過有人(唔包括吃素者)話唔食雞翼,尤其是小朋友,個個都鍾意食。無野寫我就唔寫囉。

    回覆刪除
  7. 薯仔炆雞翼,真係好鍾意呢味餸,好好味~

    回覆刪除
  8. 今晚也吃了炆雞翼啊!好味!

    回覆刪除
  9. 我都煮了薯仔炆雞翼,不過我煮的顏色太淡,不太美觀,沒你煮的好看又好吃。你是下了蠔油吧?

    回覆刪除
  10. 老師:尋晚煮左黑椒牛仔骨,連唔鍾意食肉既 husband 食得津津有味,仲讚我添。^^

    劉鄧:我無落蠔油,炆果時係加番醃雞翼既汁,炆好加左少少鹽(已加上做法俾大家參考下)。

    回覆刪除
  11. 我就鐘意落d蠔油去煮喇! (我唔放過任何可以落蠔油的機會)

    回覆刪除
  12. 小彭:好耐以前o係海產公司工作,所有同事都唔食蠔油,聽完佢地既理由,自自然然就走蠔油(e.g. 油菜、撈麵 etc),煮餸呢就非必要都唔落。

    回覆刪除
  13. 今晚照整,如果樣OK,比番個製成品你睇

    回覆刪除
  14. 唔好講我知呀! (正如我好少食果仁/開心果一樣)

    薯仔我唔鐘意煎/炸左先, 因為我要煮得好腍, 仲要爛爛地...

    回覆刪除
  15. 鳴門:依味餸唔難整,應該唔會失敗既。

    小彭:唔講唔講 ~ ^^ 前日 d 薯仔好嫩(購自農家菜檔),炆左一陣已經用膠鑊剷 hi 一 hi 都爛,如果無煎可能全部溶晒。

    回覆刪除
  16. 啱啱食完,好味;
    聽日去我個blog度品評吓
    :)

    回覆刪除
  17. 都話唔會失敗啦,哈哈!

    回覆刪除
  18. 依家有埋食譜
    好,就搵日煮下飯仔先!

    回覆刪除
  19. 熟能生巧,實習多 d 就會煮得好嫁喇。^^

    回覆刪除

注意:只有此網誌的成員可以留言。