中文打字機現已成為博物館的藏品
中文打字機最初的形式為一個約 A2 大小的鍵盤上，排滿了鉛字。鉛字按部首劃數排列，跟報館的習慣一樣。打字員首先要在鍵盤上把鉛字鉗起，再按鍵時，小鉗就會舉起鉛字，隔着色帶印在紙上。
中文打字機打出來的文字除了橫排，也可配合中國人的書寫習慣，允許文字打直排。當打完一行按回車鍵之後，又會自動捲回頁首，並跳往下一行。
 |  |
打字員必須熟記鍵盤（正盤）上的 2,380 個字的位置，亦須熟記幾個包含特殊字的副盤內每個字的位置，有需要時撿選出來放在正盤兩旁的空盤中備用。由於鉛字是左右上下反轉的（這樣打出來的字才是正向），增加了操作的難度。
由於中文打字機的操作並不容易，撿字也很困難，當時一般人還是用手抄或油印。在 1960 年代的香港，只有比較富裕的學校才有能力負擔一位能操作中文打字機的打字員。直到 1990 年代，由於微電腦的普及，使中文印刷變得更容易，中文打字機亦退出歷史的舞臺。
在搜尋有關中文打字機的資料時，才知道原來林語堂在 1948 年曾發明簡易操作型中文打字機，現放在台北市故居裡展示。
林語堂當年投入了畢生積蓄，發明了一台「不學而能操作」的中文打字機，然而不幸遭逢戰亂，打字機未能大量生產，而且害他差點破產。
Source : 林語堂故居空間介紹
林語堂為打字機設計的上下形檢字法，可說是今日中文電腦輸入法的前身，曾經應用於神通中文電腦，當年推出時廠商稱這輸入法為「簡易輸入法」，並以「兩個鐘頭學不會請吃一碗牛肉麵」為宣傳，可見它多麼實用。
睇完都唔係好明添......
回覆刪除即係執好d字粒然後去打？
係執一粒打一粒，之後再執第二粒再打第二粒；打字時用左手將個字盤推黎推去，右手就推住執字同打字既操作竿，所以我成日覺得似織布機。打字果然噼噼啪啪聲，幾嘈下 ~
回覆刪除好多年前轉用電腦不再用中文打字機時，我有諗過抬咗公司部機同埋啲字盤返屋企記念，不過好彩我冇咁做，唔係又成為另一件家居廢物。
回覆刪除我始終覺得識得用中文打字機嘅人好叻！
我以為你有一部添
回覆刪除當年我都係用簡易輸入法。
回覆刪除大頭：識 shorthand 同中文打字，我覺得幾 proud 嫁。
回覆刪除鳴門：我屋企床下底好細咋 ~
galaxy：我都用過。^^
只是見過沒用過呢^^
回覆刪除中文打字機真係唔識用喎~~
回覆刪除因為歐歐同基斯汀好 young 嘛。
回覆刪除當年如果唔係o係學校工作，我都未必會去學，學識後除左工作，仲可以幫教會打好多野。
妳唔講我都唔記得有呢樣野添~
回覆刪除想當年我都在尖沙咀街坊福利會學過中文打字，就係好似織布機果隻，一心諗住學成後到報館做野，仲好有心機學，因為其實幾好玩，點知中途個老師有病要做手術，又冇人代課，焗住要取消課程，依家諗起都覺得好可惜！
我唔識中文打字，仲唔識中文輸入法！
回覆刪除我剩係識用倉頡...
回覆刪除坦白說，只聽過，沒看過這機器。
回覆刪除到今天為止，還是用簡易輸入法，一分鐘尚能打 60 字以上，無想過學倉頡了。
意粉年青時（80 年代末期）正值電腦化起步，當時更有幸獲選為辦公室電腦化工程小組成員，有機會接觸各種硬件軟件，更可學習基本的電腦操作（DOS）、辦公室軟件和各種中文輸入法，對掌握後來的各種新科技很有幫助。
回覆刪除師妹：當時好似淨係依樹有得學，個 Miss 簡直係超人，快到無倫，一路教人一路打自己野，肯定可以好早退休享福。
老師：中文老師都唔識中文輸入法？哈哈 ~
鳴門：簡易咪仲容易。
wordy：倉頡可以說是所有中文輸入法的基礎，雖然看來比較困難，熟練後一定快過簡易。
當然，舊公司的中文打字員每分鐘過百字，只有打倉頡和另一種改良版的「快速」（不同速成）才有這效果。
回覆刪除暫時未靠打字混飯吃，但我知道有些報社要求員工必須懂倉頡（七八年前初推行時，甚至以測試合格加薪來利誘）。
師姐：今日唔舒服牙？有冇番工呀？
回覆刪除wordy：學習不一定為了糊口呢。
回覆刪除師妹：今朝有少少暈晏左起身，有番工，依家又要番去辦公室喇。
哈哈~
回覆刪除意粉居然連呢啲古董都搵到出來，佩服！
中文打字呢家嘢，咪又係要熟能生巧兼要好記性，除了要記熟各字型的部首和所在位置外，已沒有甚麼特別技巧要注意了。不過，依家要我打番都幾頭痕。
中文老師係教中文，IT老師先教中文輸入法呀！
回覆刪除劉鄧：打一篇中文唔難，但打出一篇 presentation 靚既中文就好有成功感。
回覆刪除老師：都係果句，學習唔一定為左搵食，嘻嘻 ~
對！我的同事打出來的文章，成日都是字距大過行距，誤導我以為是要打橫看而不是打直看！
回覆刪除在 manual 機既年代，要打篇靚野唔易嫁 … Ooooo 往事只能回味 ~
回覆刪除我出嚟做野因要做唱片設計，要打歌詞，所以迫住學，第二日已經上手Lu
回覆刪除後生仔學野梗係快上手啦。
回覆刪除