2009年1月11日星期日

大鄉里出城 @ 尾禡〔波士頓餐廳〕

這天是農曆十二月十六,俗稱尾禡,即是一年最後一次做禡,做生意的人會請伙計吃頓豐富的。自東家十多年前在大陸設廠,每年這天香港員工會合資請國內員工吃晚飯,以酬謝他們過去一年辛勞,可惜數年前這聯誼活動漸漸變得政治化,我們便決定取消。

這天我和 husband 早上乘搭隧道巴士出城,天氣很好,透過玻璃窗照入的陽光讓人很舒適。交通十分暢順,大約 45 分鐘便到達中環。


吃不到想吃的,我們轉乘電車到灣仔,光顧很久沒去的波士頓餐廳。當時是中午,但客人並不太多,我們佔據一張靠窗的桌子,感覺很好。

Husband 選羊扒、我選西冷牛扒
澆上黑椒汁,絕配!

吃完牛扒,以餘下肉汁撈意粉,好味!

這頓結賬是 HK$201,非常合理。我們離開時大約是一時,但店內可謂門堪羅雀,到底是為什麼呢?

由於吃得很飽,我們決定由灣仔漫步到中環,途中又進入商場振興經濟。


從中環乘隧道巴士回大埔,沿途風景優美,令人心情大好。


這兩天吃了很多肉類,晚上以蔬菜加上冰箱裡的剩餘物資牛筋丸,做了簡單而美味的烏冬。


Husband 的烏冬

我的這碗沒烏冬

昨天阿婆叫我們摘木瓜,這天回家時便摘了,待數天成熟後便可吃。




番 外 篇


除了的士和地鐵
意粉在港島只懂乘搭電車

在波士頓吃東西
的必要裝備
放肆半個月,馬上回復包包臉
〔Photo taken by iPhone〕





是 日 小 點



打鼓嶺菜田鋪滿霜

星島 1 月 11 日星期日 12:06】冬季季候風持續為華南帶來寒冷及乾燥的天氣。今早市區的最低氣溫約 10 度,而新界大部分地區只有 5 至 7 度,打鼓嶺的氣溫更降至零下 1 度,出現結霜現象。



17 則留言:

  1. 專登出中環灣仔行街街?

    灣仔呢邊假日好寧靜,好好行啊!

    回覆刪除
  2. 依幾日都食得好豐富喎~

    今次又振興左d乜野新玩具??

    回覆刪除
  3. 大頭:係專登去中環食野,不過食唔到啫 ~

    萊少:係呀,新年前 appointment 多都亂晒籠 ~ 今日我無買野,係 husband 襯大減價買衫 ~

    老師:無緣喎,我地 ~ ^^

    回覆刪除
  4. 專登去中環食野,不過食唔到 --> 係乜野好野呢?
    灣仔係我甩腳毛最多嘅地方之一(返咗5年半工), 果間"樂意" 食牛扒都好得o架~
    意粉, 想問下隻木瓜咁生, 會"au" 得熟咩?

    回覆刪除
  5. ayclui:遲啲再會去食,到時先開估啦,嘻嘻 ~ 牛扒係賣飛佛,100 分早餐煎薄牛扒我都鍾意食嫁,「樂意」食過一次,覺得普普通通,暫時都係 Ruth Chris 最得我心,波士頓有感情有回憶,間唔中都要食下。其實個木瓜已經開始轉黃,所以阿婆先叫我地摘,擺幾日就食得喇。

    回覆刪除
  6. 典解唔變晒黃先摘落黎呢?
    前晚同佢地家好月圓之後,响屋企樓下影月光,凍到隻手僵晒!

    回覆刪除
  7. 師妹:依個係阿婆留俾我地既,話唔摘驚會俾人偷左,猛咁催我地摘 ~ 到依家我都係覺得北京比香港凍好多囉 ~~ ^^

    回覆刪除
  8. 個木瓜不如煲湯啦!

    回覆刪除
  9. 小彭:我都諗過,但無時間。

    回覆刪除
  10. 波士頓在平日lunch時都好多人, 行列店黎架.

    回覆刪除
  11. 朋友話波士頓餐廳近年水準下降,幾個月前我專登去食過一次,真係無咁好食喎

    回覆刪除
  12. 小妹:以前星期日中午都好多人,唔知點解果日會咁靜。

    鳴門:我又覺得差唔多(應該無空間再下降喇啩?),仲覺得招呼好左添,可能因為客少啦。

    回覆刪除
  13. 波士頓餐廳.... 好懷念啊!好耐無去果頭蒲囉~

    回覆刪除
  14. 基斯汀:其實食波士頓主要係食回憶同感覺 ~ 由我屋企坐巴士出香港同揸車出九龍城既時間係差唔多 ~ ^^

    回覆刪除
  15. 我以往曾在灣仔工作,波士頓午市確實較易搵位,晚上卻極旺!

    回覆刪除
  16. 薯 mug:但係之前我地禮拜日中午去係爆晒棚嫁。

    回覆刪除

注意:只有此網誌的成員可以留言。